Hero

    17.08.2026թ․ - «Սիգմա Սերվիսիզ» հաշվապահական հաշվառման գրասենյակի «Ագարակ» մասնաճյուղի բացման արարողությունը

    Վերջին միջոցառումները

    Սեպտեմբերի 16-ին Հայաստանի Հաշվապահների Ասոցիացիան մասնակցեց Հայաստանի պետական տնտեսագիտական համալսարանի կողմից կազմակերպված Աշխատանքի տոնավաճառին

    Սեպտեմբերի 16-ին Հայաստանի Հաշվապահների Ասոցիացիան մասնակցեց Հայաստանի պետական տնտեսագիտական համալսարանի կողմից կազմակերպված Աշխատանքի տոնավաճառին։
    Տոնավաճառի ընթացքում այցելուները ծանոթացան Ասոցիացիայի գործունեությանը, առաքելությանն ու նպատակներին, Ասոցիացիայում և Ասոցիացիայի գործընկեր գրասենյակներում առկա թափուր հաստիքներին, կարիերայի զարգացման հնարավորություններին ու հեռանկարներին։
    Այցելուներին ներկայացվեցին նաև Ասոցիացիայի ուսումնական կենտրոնում կրթություն ստանալու և Ասոցիացիայի գործընկեր գրասենյակներում պրակտիկա անցնելու հնարավորությունները։
    Շնորհակալություն ենք հայտնում միջոցառման կազմակերպիչներին՝ նման հնարավորություն ստեղծելու, ուսանող-գործատու հանդիպումը կազմակերպելու և այն բարձր մակարդակով անցկացնելու համար։

    16.09.2026

    Կարդալ

    «Սիգմա Սերվիսիզ» հաշվապահական հաշվառման գրասենյակի «Ագարակ» մասնաճյուղի բացման արարողությունը

    Ագարակ քաղաքում` Գարեգին Նժդեհի 5/8 հասցեում, իր դռներն է բացել «Սիգմա Սերվիսիզ» հաշվապահական հաշվառման գրասենյակի «Ագարակ» մասնաճյուղը:
    Օգոստոսի 17-ին տեղի ունեցավ մասնաճյուղի բացման հանդիսավոր արարողությունը։
    Միջոցառմանը ներկա էին գրասենյակի անձնակազմը, Հայաստանի գործատուների հանրապետական միության նախագահ Վահագն Համբարձումյանը, Հայաստանի Հաշվապահների Ասոցիացիայի Խորհրդի անդամներ Հարություն Գուլյանը, Միհրան Թադևոսյանը, այլ անդամներ, Ագարակի վարչական շրջանի ղեկավար Դավիթ Օհանջանյանը, համայնքում գործունեություն ծավալող ձեռնարկատերեր, կազմակերպությունների ներկայացուցիչներ և այլ հրավիրված անձինք։
    Միջոցառման ընթացքում ներկայացվեցին մասնաճյուղի հիմնադրման նպատակը, առաքելությունը, համայնքում ստանձնած պարտականությունները։
    Հյուրերը հանդես եկան շնորհավորական ուղերձներով։
    Գրասենյակի սեփականատեր Արման Մաթևոսյանը և տնօրեն Հասմիկ Գրիգորյանը շնորհակալություն հայտնեցին Հայաստանի Հաշվապահների Ասոցիացիային՝ համագործակցության և վստահության համար, ինչպես նաև բոլոր ներկաներին` հրավերն ընդունելու և տոնական օրը գրասենյակի հետ միասին նշելու համար։

    Կարդալ

    «Ֆինտեքս Քընսալթինգ» հաշվապահական հաշվառման գրասենյակի բացման հանդիսավոր արարողությունը

    Արտաշատ քաղաքում` Օգոստոսի 23, 89/2 հասցեում, իր դռներն է բացել «Ֆինտեքս Քընսալթինգ» հաշվապահական հաշվառման գրասենյակը:
    Օգոստոսի 11-ին տեղի ունեցավ գրասենյակի բացման հանդիսավոր արարողությունը։ 
    Միջոցառմանը ներկա էին գրասենյակի անձնակազմը, Հայաստանի գործատուների հանրապետական միության նախագահ Վահագն Համբարձումյանը, Հայաստանի Հաշվապահների Ասոցիացիայի Խորհրդի անդամներ Հարություն Գուլյանը, Միհրան Թադևոսյանը, այլ անդամներ, բանկերի մասնաճյուղերի ներկայացուցիչներ, Արտաշատ քաղաքում և հարակից բնակավայրերում գործունեություն ծավալող ձեռնարկատերեր, կազմակերպությունների ներկայացուցիչներ, լրատվամիջոցների ներկայացուցիչներ և այլ հրավիրված անձինք։
    Միջոցառման ընթացքում ներկայացվեցին գրասենյակի հիմնադրման նպատակը, առաքելությունը, տարածաշրջանում ստանձնած պարտականությունները։
    «Ֆինտեքս Քընսալթինգ» հաշվապահական հաշվառման գրասենյակը հենց միջոցառման ընթացքում հաճախորդի հետ կնքեց իր առաջին հաշվապահական հաշվառման ծառայության մատուցման պայմանագիրը։

    Կարդալ

    Բոլոր միջոցառումները