Some global site information is temporarily unavailable.

Հսկիչ դրամարկղային մեքենաների կտրոններում նոր տվյալների արտացոլման մասին

06.08.2025

Հսկիչ դրամարկղային մեքենաների կտրոններում նոր տվյալների արտացոլման մասին

Հարգելի գործընկերներ.
Հայաստանի Հանրապետության հարկային օրենսգրքում կատարված փոփոխությունների համաձայն 2025 թվականի սեպտեմբերի 1-ից նույնականացման միջոցներով դրոշմավորված ապրանքների վաճառքի դեպքում հսկիչ դրամարկղային մեքենայի կտրոնի վրա, ի թիվս այլ տվյալների, պետք է տպագրված լինի նաև նույնականացման միջոցների քանակը և նույնականացման միջոցների հիման վրա հարկային մարմնի հաստատած ալգորիթմով գեներացվող ստուգիչ համարը (բացառությամբ «կանխավճար» գրառում ունեցող կտրոնների)։ Միաժամանակ, պատասխանատվություն է սահմանվել նույնականացման միջոցի վերաբերյալ տեղեկատվություն չփոխանցելու կամ յուրաքանչյուր փաստացի փոխանցման ենթակա տեղեկատվությունից տարբերվող տեղեկատվություն փոխանցելու համար։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։