Հայաստանի Հաշվապահների Ասոցիացիան ընդգրկվել է ՀՀ փոխվարչապետ Մհեր Գրիգորյանի նախագահությամբ ստեղծված ռազմավարությունների մշակման աշխատանքային խմբերի քաղաքացիական հասարակության (ՔՀԿ) հարթակներում

Ուրախ ենք տեղեկացնել, որ Հայաստանի Հաշվապահների Ասոցիացիան ընդգրկվել է ՀՀ փոխվարչապետ Մհեր Գրիգորյանի նախագահությամբ ստեղծված ռազմավարությունների մշակման աշխատանքային խմբերի քաղաքացիական հասարակության (ՔՀԿ) հարթակներում՝ հետևյալ ուղղություններով.

• Մարդկային կապիտալ և բարեկեցություն
• Տնտեսական փոխակերպում և կայուն զարգացում
• Հանրային կառավարման բարեփոխումներ

Ասոցիացիայի փորձագիտական ներուժի ներգրավվածությունը ՔՀԿ հարթակներում հնարավորություն կտա`

• քննարկել պետության ռազմավարական փաստաթղթերը, դրանց իրականացման ու առաջընթացի զեկույցները, ներկայացնել վերլուծություններ ու կարծիքներ,
• առաջարկել գործարար միջավայրի բարելավմանն ուղղված գերակայություններ,
• աջակցել ռազմավարական նպատակների հանրային հաղորդակցմանը։

Շնորհակալ ենք վստահության համար և պատրաստակամ նպաստել պետություն-մասնավոր հատված գործընկերության ամրապնդմանը։