11.11.2025
Նոյեմբերի 8-ին ICC Armenia-ն անցկացրեց ArbMenia 2025-ը՝ բարձր ներգրավվածությամբ միջոցառում, որը նվիրված էր արբիտրաժային որոշումների ճանաչման և կատարման գործնական հարցերին Հայաստանում՝ ինչպես ներպետական, այնպես էլ միջազգային մակարդակներում:
Միջոցառմանը մասնակցում էր նաև Հայաստանի Հաշվապահների Ասոցիացիայի Խորհրդի անդամ Գոհար Փարսադանյանը։
Կազմակերպվեցին քննարկումներ օրենսդրական բարեփոխումների և ICC Միջազգային արբիտրաժային դատարանի առանձնահատկությունների մասին:
Հայաստանի Հաշվապահների Ասոցիացիան բարձր է գնահատում նման միջոցառումներին մասնակցելու հնարավորությունը և շնորհակալություն է հայտնում կազմակերպիչներին բովանդակալից ու արդյունավետ քննարկումների համար, որոնք նպաստեցին փորձի փոխանակմանը և մասնագիտական կապերի ամրապնդմանը: