2019 թվականի մարտի 20-ին Արարատի մարզի Արտաշատ քաղաքում տեղի ունեցավ «ՀՀ հարկման այլընտրանքային համակարգերի մոնիթորինգի և բարելավման ծրագրի» շրջանակներում կազմակերպված հանդիպում Արարատի մարզի տնտեսվարող սուբյեկտների հետ
20.03.2019
Հանդիպման ընթացքում «Հայաստանի Հաշվապահների Ասոցիացիա» հասարակական կազմակերպության նախագահ, ծրագրի ղեկավար Վահագն Համբարձումյանը տնտեսվարող սուբյեկտներին իրազեկման կարգով ներկայացրեց շրջանառության հարկի համակարգի առանձնահատկությունները, որից հետո համատեղ քննարկեցին այդ համակարգում աշխատելու ընթացքում առաջացած խնդիրները, տնտեսվարող սուբյեկտները ներկայացրեցին իրենց առաջարկությունները՝ լրացնելով դրանք նախապես մշակված թերթիկներում, որոնք կվերլուծվեն ծրագրի փորձագետների կողմից, որի արդյունքում էլ կմշակվի առկա խնդիրների լուծման համար առաջարկությունների ամբողջական փաթեթ և կներկայացվի համապատասխան պետական գերատեսչություններին:
Ծրագրի մեկնարկին ողջույնի խոսքով հանդես եկավ Արտաշատի քաղաքապետ Կարեն Բենիամինյանը, ով կարևորեց այսպիսի ծրագրերի իրականացումը և պատրաստակամություն հայտնեց միշտ աջակցել նմանատիպ միջոցառումների իրականացմանը: Քաղաքապետը շնորհակալություն հայտնեց Վահագն Համբարձումյանին և ծրագրի բոլոր կազմակերպիչներին՝ Արտաշատ քաղաքում նման միջոցառում իրականացնելու համար:
Այս հանդիպումը կազմակերպվել էր «ՀՀ հարկման այլընտրանքային համակարգերի մոնիթորինգի և բարելավման ծրագրի» շրջանակներում: Ծրագիրը իրականացնում է «Հայաստանի Հաշվապահների Ասոցիացիա» հասարակական կազմակերպությունը «Իրավաբանների հայկական ասոցիացիա» հասարակական կազմակերպության ղեկավարությամբ իրականացվող կոնսորցիումի միջոցով գործարկվող «Կառուցողական երկխոսության հանձնառություն» ծրագրով տրամադրված ենթադրամաշնորհների շրջանակներում: «Կառուցողական երկխոսության հանձնառություն» ծրագիրը ֆիանսավորվում է Եվրոպական միության կողմից: