Some global site information is temporarily unavailable.

Փոփոխություններ ավելացված արժեքի հարկի հաշվարկման կարգում

16.06.2026

Փոփոխություններ ավելացված արժեքի հարկի հաշվարկման կարգում

Հարգելի՛ գործընկերներ․
Հայաստանի Հանրապետության հարկային օրենսգրքում կատարված փոփոխություններով գյուղատնտեսական արտադրանք արտադրող կազմակերպությունները և անհատ ձեռնարկատերերը, որոնց իրացման շրջանառությունը չի գերազանցել 115 մլն. ՀՀ դրամի շեմը, աշխատանքների կատարման կամ ծառայությունների մատուցման գործարքներ իրականացվելու դեպքում փոփոխությունն ուժի մեջ մտնելուց հետո պարտավոր են հաշվարկել և պետական բյուջե վճարել այդ գործարքներից և (կամ) գործառնություններից առաջացող ԱԱՀ-ի գումարները։ Միաժամանակ, 2022 թվականի հունվարի 1-ից մինչև 2026 թվականի հունվարի 1-ը ներառող հարկային տարիների ընթացքում միկրոձեռնարկատիրության սուբյեկտ կամ շրջանառության հարկ վճարող համարվելուց դադարած և հարկային մարմնին ԱԱՀ վճարող հաշվառվելու վերաբերյալ հայտարարություն չներկայացրած տնտեսավարող սուբյեկտներին հնարավորություն է ընձեռվել ներկայացնելու նշված հայտարարությունը և օգտվելու ավելացված արժեքի հարկի գումարների հաշվանցման հնարավորությունից։
Փոփոխություններն ուժի մեջ են մտնելու 2026 թվականի հուլիսի 1-ից։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 011 60 00 00։