Մարտի 16-ին ՀՀ արդարադատության նախարար Սրբուհի Գալյանի գլխավորությամբ կայացավ արդարադատության նախարարին կից հասարակական խորհրդի անդրանիկ նիստը
16.03.2026
Մարտի 16-ին ՀՀ արդարադատության նախարար Սրբուհի Գալյանի գլխավորությամբ կայացավ արդարադատության նախարարին կից հասարակական խորհրդի անդրանիկ նիստը։
Նիստի ընթացքում նախարարը ներկայացրեց արդարադատության ոլորտում իրականացվող և նախատեսվող մի շարք բարեփոխումներ։
Մասնավորապես անդրադարձ կատարվեց`
- արդարադատության ոլորտի թվայնացման գործընթացին,
- դատարանների ծանրաբեռնվածության նվազեցմանն ուղղված քայլերին, այդ թվում՝ վարչական և քաղաքացիական դատավարության օրենսգրքերում ներդրված գործերի քննության ողջամիտ ժամկետների ինստիտուտին,
- քրեակատարողական և պրոբացիայի ոլորտների ռազմավարական ուղղություններին՝ ընդգծելով պատժից պայմանական վաղակետ ազատման ինստիտուտի կատարելագործմանն ուղղված աշխատանքները։
Նախարարը ներկայացրեց նաև՝
- հակակոռուպցիոն ռազմավարության շրջանակում իրականացվող միջոցառումները,
- Սահմանադրական բարեփոխումների խորհրդի աշխատանքները։
Նիստի ընթացքում մասնակիցները մի շարք հարցեր ուղղեցին նախարարին և ստացան պարզաբանումներ:
Նիստին մասնակցում էր նաև Հայաստանի Հաշվապահների Ասոցիացիայի ներկայացուցիչ, «Ունիվերսալ Բիզնես Սոլուշնս» ՍՊԸ-ի տնօրեն Արմեն Հարությունյանը։